दार्चुला। दार्चुलामा प्रमुख सत्तासाझेदार दलहरु नेपाली कांग्रेश र नेकपा माओबादी केन्द्रबिच सत्ता बाँडफाँडमा सहमति जुटेको छ । नौँ स्थानीय तह रहेको दार्चुलामा दुई नगरपालिकासहित ५ पालिका प्रमुख नेपाली कांग्रेस र ४ पालिका प्रमुख तथा अध्यक्ष नेकपा माओवादी केन्द्रले पाउने भएको छ । यस्तै दुई वटा पालिक उपाध्यक्ष माओवादी केन्द्रले पाउने र सात वटा पालिका उपप्रमुख वा उपाध्यक्ष नेपाली कांग्रेसले पाउने सहमति भएको नेताहरुले बताएका छन् ।
माओबादी केन्द्रले दार्चुलाको अपिहिमाल गाउँपालिका, मार्मा गाउँपालिका, नौगाड गाउँपालिका र लेकम गाउँपालिका अध्यक्ष पाउने बताइएको छ । यस्तै नेपाली कांग्रेशले महाकाली नगरपालिका र शैल्यसिखर नगरपालिका प्रमुख तथा मालिकार्जुन गाउँपालिका, दुहुँ गाउँपालिका र व्याँस गाउँपालिका अध्यक्ष पाउने सहमति भएको हो । माओबादी केन्द्रले मालिकार्जुन गाउँपालिका र व्याँस गाउँपालिका उपाध्यक्ष पाउने छ भने नेपाली कांग्रेशले अपिहिमाल गाउँपालिका, मार्मा गाउँपालिका, लेकम गाउँपालिका, दुहुँ गाउँपालिका र नौगाड गाउँपालिका उपाध्यक्ष तथा महाकाली नगरपालिका र शैल्यसिखर नगरपालिका उपप्रमुख कांग्रेशले पाउनेछ ।
स्रोतका अनुसार कांग्रेशले जिल्लाका ४० बढी वडामा नेतृत्व पाउने छ भने नेकपा माओबादी केन्द्रले २० वडा पाउने पक्कापक्कीजस्तै छ । सबै वडा र पालिकामा सम्मानजनक उपस्थिति हुनुपर्ने माओबादी केन्द्रको दाबी छ । जिल्ला समन्वय समिति प्रमुख भने कांग्रेशको भागमा पर्ने बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया