दार्चुला । स्थानीय तह निर्वाचनको मिति नजिकिएसंगै राजनीतिक दलहरुले प्रचारप्रसार कार्यमा तिब्रता दिएका छन् । प्रचारप्रसारकै क्रममा शैल्यशिखर नगरपालिकाको ग्वानीमा नेकपा एमाले र नेपाली कांग्रेशका कार्यकर्ताहरु विच झडप भएको छ ।
झडपमा गाडीका सिसाहरु फुटेका छन भने केही कार्यकर्ता घाइते भएको बताइएको छ । एमालेका विद्यार्थी नेता राजेश बिष्टका अनुसार, शान्तिपूर्ण र्याली गरिरहेका बेला कांग्रेशका कार्यकर्ताहरुले एमाले कार्यकर्तामाथि ढुङ्गा र सिसाका बोतलहरु प्रहार गरेपछि केही कार्यकर्ता घाइते भएका छन भने गाडीमा क्षती पुगेको छ ।
उक्त घटनाबारे प्रहरीलाई बुझ्दा सामान्य विवाद भएको बताइएको छ । नेकपा एमालेका कार्यकर्ताहरुले घरदैलो कार्यक्रम गरिरहेका बेला कांग्रेशका कार्यकर्ताहरुसँग सामान्य विवाद भएको जिल्ला प्रहरी कार्यालय दार्चुलाका प्रहरी निरीक्षक धुब्र विष्टले बताउनुभयो । विवादका क्रममा एमालेका दुई जना कार्यकर्ताहरुलाई सामान्य चोट पटक लागेको प्रहरीले जनाएको छ ।
सडकमा एमाले र कांग्रेशका कार्यकर्ताबिच भेट हुँदा कांग्रेश कार्यकर्ताले आक्रमण गरेको प्रतक्षदर्शीहरुले बताएका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया