दार्चुला । दार्चुलामा प्रहरीले ३५० किलो झ्याउ बरामद गरेको छ। प्रहरीले जिल्लाको व्यास गाउँपालिका–३ गल्फास्थित सडक किनारमा बेवारिसे अवस्थामा रहेको प्रतिबन्धित जडीबुटी ‘झ्याउ’ बरामद गरेको हो।
सडक किनारमा लुकाइछिपाइ राखेको करिब ३५० किलोग्राम प्रतिबन्धित जडीबुटी बरामद गरिएको जिल्ला प्रहरी कार्यालय दार्चुलाका सूचना अधिकारी प्रहरी निरीक्षक राजेश शाहीले बताउनुभयो । उहाँका अनुसार प्रहरी चौकी सुन्सेरा र अपीनाम्पा संरक्षण क्षेत्र रेञ्ज पोष्ट सुन्सेराबाट खटिएको संयुक्त टोलीले झ्याउ बरामद गरेको थियो।
उक्त प्रतिबन्धित जडीबुटीबारे अनुसन्धान भइरहेको र सो जडीबुटी आवश्यक कारबाहीका लागि अपीनाम्पा संरक्षण क्षेत्र रेञ्ज पोष्ट सुन्सेराको जिम्मा लगाइएको बताइएको छ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया