दार्चुला । अनौपचारिक क्षेत्र सेवा केन्द्र इन्सेक दार्चुलाले आमा बुबा गुमाएका एक बालिकालाई आर्थिक सहयोग हस्तान्तरण गरेको छ । इन्सेकले शैल्यशिखर नगरपालिका–१, बारिलका गौमती खडायतलाई मंगलबार आर्थिक सहयोग हस्तान्तरण गरेको हो ।
इन्सेक दार्चुलाले पीडित बालिकालाई न्यायको लागि १० हजार रुपैयाँ आर्थिक सहयोग हस्न्तान्तरण गरेको इन्सेक जिल्ला प्रतिनिधि नरेन्द्रसिह कार्कीले जानकारी दिनुभयो । जिल्ला मानव अधिकार रक्षक सञ्जालको समन्वयमा इन्सेक धनगढीले आर्थिक सहयोग उपलब्ध गराएको थियो ।
गत जेठ २५ गते अनिभा खडायतको बलात्कारपछि आगो लगाएर हत्यापछि गौमति बेसहारा बनेका छन् । बुबा केशव खडायतको सात वर्ष अघि मृत्यु भएको हो । आमा बुवा नभएपछि घरमा सहारा भनेको एक जना दाई मात्रै छन् ।
दाई परमानन्द खडायत र बहिन सरस्वती खडायत गरी ३ जना मात्रै छन् । दाईले भारतमा मजदुरी गरेर ल्याएको पैसाले अहिलेसम्म घर चलाएको भए पनि आमाको हत्यापछि दाई भारत जान नसकेपछि आर्थिक समस्यामा परेको गौमतिले सुनाउनुभयो । गौमति कृष्ण मावि बलाँचमा कक्षा १० मा अध्ययनरत छन भने बहिनी सरस्वती लटिनाथ आधारभूत विद्यालय बारिलमा कक्षा ८मा पढ्छन् ।
दुइ बहिनीको खर्च चलाउन धौधौ भएपछि पिडितले गत असार ५ गते इन्सेक दार्चुलालाई सहयोगको लागि निवेदन दिएका थिए ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया