दार्चुला । शैल्यशिखर नगरपालिकाको सहकार्यमा गेटा आखा अस्पतालले दार्चुलाको गोकुलेश्वरमा शनिबारदेखि सञ्चालन गरेको आखा शिविरमा विरामीहरुको उत्साहजनक सहभागिता रहेको छ । शनिबार र आइतबार दुई दिनमा ८९७ जना आखाका समस्या भएका विरामीहरु शिविरमा सहभागि भएको र १२० जनाको आखाको शल्यक्रिया गरिएको शिविर संयोजक नरेन्द्र बिष्टले जानकारी दिनुभयो ।
उहाँका अनुसार शिविरको दोस्रो दिन आइतबार २२८ पुरुष र २१४ महिला गरी ४४२ जनाले सेवा पाएका छन् । जसमध्ये ३४ पुरुष र ३१ महिला गरी ६५ जनाको शल्यक्रिया गरिएको छ । पहिलो दिन २०१ महिला र २५४ पुरुष गरी ४५५ जनाले सेवा पाएका थिए ।
डा. स्मद अधिकारी नेतृत्वमा १५ जनाको टोली शिविरका लागि दार्चुला आएको छ । भोलि सोमबार पनि गोकुलेश्वरमा शिविर सञ्चालन हुने भएकोले सेवा लिनुहुन आखाका विरामीहरुलाई अनुरोध गरिएको छ ।
शिविर संयोजक बिष्टका अनुसार भदौ २९ र ३० गते मालिकार्जुन गाउँपालिकाको सहकार्यमा पस्ती र असोज १ देखि ३ गतेसम्म महाकाली नगरपालिकाको सहकार्यमा खलंगामा आखा शिविर सञ्चालन हुनेछ । आखा शिविरमा मोतिविन्दु लगायतका आखा सम्बन्धि रोगको निःशुल्क शल्यक्रिया तथा औषधि उपचार गरिने भएकोले शिविरमा सहभागि भइ सेवाको मौका लिनुहुन आखाका रोगीहरुलाई आयोजकले अनुरोध गरेको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया