दार्चुला । सरकारले दार्चुलाका दुई स्थानीय तहलाई विपद् सङ्कटग्रस्त क्षेत्र घोषणा गरेको छ । शुक्रवार बसेको मन्त्रिपरिषद् बैठकले दार्चुलाको महाकाली नगरपालिका र नौगाड गाउँपालिका क्षेत्रलाई विपद् सङ्कटग्रस्त क्षेत्र घोषणा गर्ने निर्णय गरेको हो ।
यी दुवै स्थानीय तहमा वर्षेनी बाढी र पहिरो ठूलो क्षति पुर्याउदै आएको छ । यो वर्ष मात्रै पनि बाढी र पहिरोमा जनधनको क्षति भएको छ । भदौ २४ गतेको बाढीका कारण हालसम्म ६ जना मृतकको शव फेला परेको छ भने ९ जना अझै बेपत्ता रहेका छन् ।
महाकाली नगरपालिकाको बंगाबगर क्षेत्रमा अझैपनि बर्षाका कारण भूक्षय भइरहेको छ । जोखिम न्यूनिकरण र पीडितलाई सरकारको तर्फबाट विशेष राहत वितरणका लागि स्थानीयले अनुरोध गरिरहेका छन् । बाढी पहिरोका कारण महाकाली र नौगाडमा ठूलो जनधनको क्षति भएपछि विपद् व्यवस्थापन समितिको सिफारिसमा सरकारले संकटग्रस्त क्षेत्र घोषणा गरेको हो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया