दार्चुला । निर्वाचन आयोगले आगामी मङ्सिर ४ गते हुने प्रतिनिधि सभा र प्रदेश सभा सदस्य निर्वाचनका लागि मतपत्र ढुवानी गरिरहेको छ । राजधानीबाट टाढाको जिल्ला दार्चुलामा सामानुपातिक प्रणालीतर्फको मतपत्र आइपुगेको जिल्ला निर्वाचन कार्यालयले जनाएको छ । जिल्लामा ८९ हजार १४१ मतदाता रहेका छन्, प्रदेश र प्रतिनिधिसभामा त्यसको दोब्बर मतपत्र प्रयोग हुने अनुमान छ । थप आवश्यक पर्नसक्ने मतपत्र समेत गरी प्रदेश र प्रतिनिधिसभाका लागि करिब दुई लाख मतपत्र जिल्ला आइपुगेको बताइएको छ ।
समानुपातिक निर्वाचन प्रणालीतर्फको प्रतिनिधिसभा र प्रदेशसभा निर्वाचनका लागि करिब दुई लाख मतपत्र दार्चुला आइपुगेको र प्रतक्षतर्फको मतपत्र केही दिनभित्रै आइपुग्ने बताइएको छ ।
भक्तपुरस्थित जनक शिक्षा सामग्री केन्द्र लिमिटेडमा उच्च सुरक्षासहित मतपत्र छपाइ भइरहेको छ । सुदूरपश्चिम प्रदेशको मतपत्र छपाइको काम सम्पन्न भइसकेको निर्वाचन आयोगले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया