दार्चुला । दार्चुला सदरमुकाम खलंगा नजिकैको महाकाली नदीमा बगेर शनिबार दिउँसो एक महिलाको मृत्यु भएको छ । महाकाली नगरपालिका ४ स्थित बङ्गाबगरबाट महाकाली नदीमा खसेर व्याँस गाउँपालिका वडा नम्बर १ छाङरुकी अन्दाजी ७० वर्षीया बिन्दा ऐतवातको मृत्यु भएको प्रहरीले जनाएको छ ।
महाकाली नदीले बगाएर ल्याएको महिलाको शव महाकाली नगरपालिका ४ स्थित डुम्पानी भन्ने ठाउँ (भारततर्फ) फेला परेको एक स्थानीयले बताउनुभयो । भारतीय प्रहरिले ढुङ्गाको बीचमा अड्किएको शव निकालेर पोस्टमार्टमका लागि पिथौरागढ जिल्लाको धार्चुला अस्पतालमा लगेको जनाइएको छ ।
नदीले ती महिलालाई कसरी बगायो भन्नेबारे यकिन जानकारी आइनसकेको र यसबारे अनसन्धान भइरहेको प्रहरीले जनाएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया