दार्चुला । नौगाड गाउँपालिकामा लघुजलविद्युत आयोजना सम्बन्धि ऐन तर्जुमा गर्न अन्तरक्रिया गरिएको छ । नौगाड गाउँकार्यपालिकाको कार्यालय, होपरीगाडमा लघु जलविद्युत आयोजना नियमन, व्यवस्थापन र संचालन सम्बन्धी ऐन तर्जुमा गर्न सरोकारवालाहरुसंग एक दिने अन्तरक्रिया कार्यक्रम गरिएको कृषि तथा पशुपन्छि विकास शाखा अधिकृत प्रकाशसिंह धामीले जानकारी दिनुभयो ।
प्रमुख प्रशासकीय अधिकृत पुष्कर सिह धामीको अध्यक्षतामा आयोजित अन्तरक्रिया कार्यक्रममा गाउँपालिका अध्यक्ष दलजितसिंह धामीको प्रमुख आतिथ्यता र उपाध्यक्ष जगत ठगुन्नाको विशिष्ट आतिथ्यता रहेको थियो । गाउँकार्यपलिका सदस्यहरु, गाउँपालिकाभरी सन्चालित सबै लघु जलविद्युत सन्चालक समितीका पदाधिकारीहरु, नौगाड गाउँपालिकाका विभिन्न शाखाका प्रमुख र अन्य कर्मचारीका साथै उपभोक्ताहरुको सहभागिता रहेको अन्तरक्रियामा गाउँपालिकाभरी सन्चालित लघु जलविद्युतमा देखिएको समस्यहरुको पहिचान गरि आबश्यक सहयोग गर्ने विषयमा छलफल भएको छ ।
लघु जलविद्युतलाई २४ सैँ घन्टा चलायमान बनाउने, लघु जलबिधुतमा चाहिने आबस्यक मेसिनहरुमा आबस्यक सहयोग गर्ने प्रतिबद्धता गाउँपालिकाको तर्फबाट गरिएको छ । नौँगाड गाउँपालिकामा दुई बर्ष भित्र पालिकाभरी बिजुलिको पहुँच पुगाउने प्रतिबद्धता रहेकोले सबैलै आ आफ्नो ठाउँबाट साथ र सहयोग गर्न गाउँपालिका अध्यक्ष दलजितसिंह धामीले अनुरोध गर्नुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया