दार्चुला । दार्चुलाको महाकाली नदीमा बगेका वृद्धको ज्यान गएको छ । बुधवार दार्चुलाको खलङ्गा बजार नजिक महकाली नदीमा बगेका ७० वर्षीय वीरसिंह बडालको उपचारका क्रममा ज्यान गएको जिल्ला प्रहरी कार्यालय दार्चुलाले जनाएको छ ।
दार्चुलाको महाकाली नगरपालिका २ पन्डोरा घर भएका बडाललाई स्थानीयले महाकाली नदीमा बगिरहेको अवस्थामा देखेपछि प्रहरी र सशस्त्र प्रहरीलाई खबर गरेका थिए । बुधवार दिउँसो २ बजेतिर सशस्त्र प्रहरीले बडालको उद्धार गरे पनि उपचारका क्रममा जिल्ला अस्पताल दार्चुलामा ज्यान गएको प्रहरी निरीक्षक जगत गाहामगरले जानकारी दिनुभयो ।
मृतक बडालले जाँड–रक्सी खाएको र शौच गर्न महाकाली नदी किनारमा गएपछि नदीले बगाएको प्रारम्भिक जानकारी आएको प्रहरी निरीक्षक गाहामगरले बताउनुभयो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया