दार्चुला । दार्चुलाको शैल्यशिखरमा चितुवा मृत फेला परेको छ । शैल्यशिखर नगरपालिका वडा नम्बर २ स्थित कालिपातली र थामुको सिमा छुट्टाउने घट्टेखोलामा चितुवा मृत अवस्थामा फेला परेको स्थानीय खेमराज जोशीलाई उद्धित गर्दै शंकर जोशीले जानकारी दिनुभयो ।
५ फिट ३ इन्च लम्बाई र २ फिट १ इन्च चौडाई रहेको चितुवा सोमबार मृत अवस्थामा भेटिएको डिभिजन वन कार्यालय गोकुलेश्वरका प्रमुख दुर्गा अवस्थीले पुष्टि गर्नुभयो । चितुवा चितुवाको टाउकोमा गहिरो चोट लागेको जनाइएको छ ।
चितुवा पानी पिउन घट्टेखोलामा आउँदा भिरबाट लडेर मरेको हुन सक्ने अनुमान गरिएको छ । चितुवालाई प्रहरी, सव डिभिजन वन कार्यलयको टोली, जनप्रतिनिधि र स्थानीयको रहोवरमा गोकुलेश्वर अस्थायी प्रहरी पोष्ट नजिक गाडेको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया