दार्चुला । दार्चुलाको लेकम गाउँपालिकाले अगामी आर्थिक वर्षको लागी ४८ करोड ९७ लाख भन्दा बढीको बजेट ल्याएको छ । गाउँपालिका उपाध्यक्ष माधवी जोशीले अगामी आर्थीक वर्ष २०८०/८१ का लागि ४८ करोड ९७ लाख ५७ हजार ४ सयको बजेट गाउँसभामा प्रस्तुत गर्नुभएको हो ।
गाउँपालिका अध्यक्ष रामदत्त जोशीको अध्यक्षतामा आयोजित गाउँसभामा उपाध्यक्ष माधवी जोशीले अगामी आर्थिक वर्षको बजेट गाउँसभामा पेश गर्नु भएको हो । उहाँका अनुसार लेकम गाउँपालिकाले सडक निर्माणलाई प्राथमिकतामा राखेको छ । सबै वडा र क्षेत्र समेटिने गरि बजेट तयार गरिएको उहाँले बताउनुभयो ।
यसैबीच दार्चुलाका लेकम, मार्मा, अपिहिमाल, मालिकार्जुन, महाकाली, नौगाड, व्याँस लगायत स्थानीय तहले बजेट गाउँसभामा प्रस्तुत गरिसकेका छन् । दुहुँ गाउँपालिकाले गत ७ गते नै बजेट पास गरेर सुत्रमा इन्ट्री गरिसकेको छ । शैल्यशिखर नगरपालिकाको बजेट आउन बाकी छ । आवश्यक तयारी नपुगेको भन्दै शैल्यशिखरले आज बजेट सार्वजनिक नगरेको हो ।
लेकम गाउँपालिकाले ल्याएको बजेटको पूरा प्रस्तुति लोकदर्पण टिभी फेसबुकपेजमार्फत हेर्न र सुन्न सक्नुहुनेछ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया