दार्चुला । बैतडीको पुर्चौडी नगरपालिका वडा नम्बर ७ मा महिला स्वास्थ्य स्वयम सेविकाहरुलाई सञ्चार खर्च वितरण गरिएको छ । शुक्रबार वडा अन्तर्गत रहेका १३ जना महिला स्वास्थ्य स्वयम सेविकाहरुलाई मासिक ४ सयका दरले प्रोत्साहन स्वरुप एकमुष्ट ४ हजार ८ सय प्रदान गरिएको हो ।
शुक्रबार कोटिला स्वास्थ्य चौकीको वार्षिक समीक्षा कार्यक्रममा उनीहरूलाई प्रोत्साहन स्वरुप सञ्चार खर्च वितरण गरिएको वडाअध्यक्ष धिरेन्द्र बहादुर बमले जानकारी दिनुभयो । महिला स्वास्थ्य स्वयम सेविकाहरुले विभिन्न समस्याहरु झेल्दै नागरीकहरुलाई सेवा प्रदान गरेको भन्दै उनीहरुलाई प्रोत्साहन भत्ता स्वरुप सञ्चार खर्च प्रदान गरिएको उहाँले बताउनुभयो ।
बार्षिक समीक्षा गोष्ठीमा वडा न. ७ का निर्बाचित जनप्रतिनिधी,स्वास्थ्य चौकी इन्चार्ज सुमन लुहार, महिला स्वास्थ्य स्वयम सेविकाहरुलगायतको उपस्थिती रहेको थियो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया