दार्चुला । बैतडी सहित सुदूरपश्चिमका ६ पहाडी जिल्लामा विद्युत सेवा अवरुद्व भएको छ । आज बिहानबाट सुदूरपश्चिमका ६ जिल्लाको विद्युत सेवा अवरुद्ध भएको हो ।
डोटीको रुवसकाँडामा १ सय ३२ केभि प्रशारण लाइनको तार टुटेपछि विद्युत सेवा अवरुद्ध भएको नेपाल विद्युत प्राधिकरण वितरण केन्द्र बैतडीका प्रमुख पवन भट्टले बताउनुभयो । अत्तरियादेखि स्याउले सव स्टेशन जोड्ने ट्रान्समिसन लाइनको रुवसकाँडास्थित टावरको एउटा तार टुटेको बताइएको छ ।
अत्तरियाबाट टोली रुवसकाँडा आइसकेकोले विद्युत सेवा सञ्चालन गर्न केही समय लाग्ने स्रोतले बताएको छ । विद्युत सेवा अवरुद्ध हुँदा उपभोक्ता समस्यामा परेका छन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया