दार्चुला । भारतको उत्तराखण्ड प्रदेशको पिथौरागढ जिल्लामा रहेको धौलीगंगा जलविद्युत परियोजनाको बाँधका ढोका फेरी खोलिने भएको छ । जिल्ला प्रशासन कार्यालय दार्चुलाले आइतबार एक सूचना निकालेर आउँदो बिहीवार बिहान ५ देखि बेलुकी ८ बजेसम्म धौलीगङ्गाको बाँधका ढोका खुल्ने जनाएको हो ।
भारतीय प्रशासनले सिल्ट सरसफाइको कार्य गर्ने भन्दै नेपाली प्रशासलाई जानकारी गराएकोले महाकाली नदीमा जलस्तर बढ्ने भन्दै सर्तकता अपनाउन जिल्ला प्रशासन कार्यालय दार्चुलाले आग्रह गरेको छ ।
व्यास गाउँपालिका वडा नम्बर ५ धौलाकोटदेखि लेकम गाउँपालिका वडा नम्बर ३ लालीसम्मका नदी तटीय क्षेत्रका बासिन्दालाई उच्च सतर्कता अपनाएर सुरक्षित ठाउँमा बस्न प्रशासनले भनेको छ ।
यस्तै बैतडीको दशरथचन्द नगरपालिका ६ सेरादेखि पञ्चेश्वर सम्मका नदी तटीय क्षेत्रका बासिन्दाहरुलाई सुरक्षित रहन आग्रह गरिएको छ ।
भारतले बर्खाको समयमा बेला बेला बाँधका ढोका खोल्दै आएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया