दार्चुला । दार्चुलाको लेकम गाउँपालिकामा संविधान दिवसको अवसरमा सहिद परिवारका सदस्यलाई सम्मानित गरिएको छ । बुधबार (आज) लेकम गाउँपालिकाको कार्यालय रातामाटामा संबिधान दिवस समारोह २०८० को आयोजना गरि शुभकामना आदानप्रदान, सहिद परिवार सम्मान र चियापान कार्यक्रम गरिएको हो ।
लेकम १ सर्मोलीका सहिद गजेन्द्र बिष्टका छोरा जीवन विष्ट र अनुजा बिष्टलाई सम्मान गरिएको छ । लेकम ४ मानविसाका सहिद लिलाधर पन्तका बुबा गंगादत्त पन्तलाई सम्मान गरिएको छ । यस्तै लेकम ४ ओडीगाउँका सहिद महादेव गिरीका धर्मपत्नी अनिता गिरीलाई सम्मानित गरिएको कार्यक्रम सञ्चालक एबं लेकम गाउँपालिकामा कार्यरत अधिकृत छैटौं शेखरचन्द्र ओझाले बताउनुभयो । सहिद परिवारलाई जनही ५० हजारका दरले नगद दिने घोषणा गरिएको छ । दिवसको अवसरमा दोसल्ला र प्रमाणपत्र प्रदान गरेर सम्मान गरिएको हो ।
लेकम गाउँपालिका अध्यक्ष रामदत्त जोशीको अध्यक्षतामा आयोजित समारोहमा गाउँपालिका उपाध्यक्ष माधवी जोशी, प्रमुख प्रशासकीय अधिकृत अर्जुन सुवेदी, जनप्रतिनिधि, पुर्वजनप्रतिनिधि, राजनीतिक दलका प्रतिनिधि, कर्मचारी, समाजसेवी लगायत स्थानीयहरूको उपस्थिति रहेको थियो ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
