दार्चुला । हुलाक टिकट अब नेपालमै छापिने भएको छ। हुलाक टिकट छाप्न हुलाक सेवा विभाग र भक्तपुर सानोठिमीस्थित जनक शिक्षा सामग्री केन्द्रबीच सहमति भएको छ।
विभागका महानिर्देशक प्रदीपराज अधिकारीले टिकट छाप्न विदेश जानुपर्ने बाध्यता अन्त्य गर्न लागेको बताउनुभयो । ‘निजी छापाखानाले सुरक्षाका साथ छाप्न सक्ने देखिएन। सुरक्षासाथ नेपालमै छाप्न सक्ने प्रकाशनगृहको खोजी हुँदा जनक शिक्षा उपयुक्त देखियो’, उहाँले भन्नुभयो, ‘मतपत्र, राजस्वका स्टिकरलगायत त्यहीँ छापिने रहेछन्। सरकारी निकाय पनि भएकाले जनक शिक्षालाई यसको जिम्मेवारी दिने सहमति गर्यौँ।’
टिकटको प्रचलन थाल्दा नेपालमै टिकट छापिने गरेको विभागका पदाधिकारी बताउँछन्। प्रविधि परिवर्तन हुँदै गएपछि छपाइका लागि विदेश पठाउन थालियो। टेण्डर प्रक्रिया अनुसार छाप्दा भारत, इन्डोनेसिया, बेलायतलगायतका मुलुकमा छपाइ हुन्थ्यो। यसरी छाप्दा विभागका पदाधिकारी हरेक वर्ष दुई तीन पटक ती मुलुकमा निरीक्षणमा जाने गरेका थिए।
विदेशमा छपाइ हुँदा प्रति टिकट सरदर एक रुपैयाँ खर्च हुन्थ्यो। जनक शिक्षाले प्रतिटिकट ९५ पैसामा छपाइ गरिदिने प्रस्ताव दिएको छ। विभागसँग स्टक सकिने अवस्थामा रहेको १० रुपियाँ दरको हुलाक टिकट पहिले छपाइ गरिने छ। विभागले एक रुपियाँ र पाँच रुपियाँ दरका पनि हुलाक टिकट छाप्ने गरेको छ। शुरुमा के कति परिमाणमा हुलाक टिकट छपाइको जिम्मा दिने भन्नेबारे टुङ्गो लागिसकेको छैन।
जनक शिक्षाले आफ्नो सेक्युरिटी प्रेसमा हुलाक टिकट छपाइ गर्ने भएको छ। सोमबारको गोरखापत्र दैनिकमा समाचार छ
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया