दार्चुला । बाँकेमा चोरहरूको कुटपिटबाट एक जनाको मृत्यु भएको छ ।
जिल्ला प्रहरी कार्यालय बाँकेको नजिकै रहेको जानकी गाउँपालिका वडा नम्बर ५ रुद्रपुर नयाँ बस्ती निवासी सन्तोष थारुको घरमा गएराति करिब १ बजेको समयमा पाँच सात जनाको समूहमा घरभित्र चोरी गर्ने उद्देश्यले छिरेकाहरूले कुटपिट गरेपछि गम्भीर घाइते भएका सन्तोष थारुको उपचारको क्रममा शिक्षण अस्पताल नेपालगन्जमा मृत्यु भएको प्रहरीले जनाएको हो । यस्तै एक जना गम्भीर घाइते भएका छन्।
जिल्ला प्रहरी कार्यालय बाँकेका अनुसार सो घटनामा परि घाइते भएकी मृतक थारुकी श्रीमती सबिता थारुको भेरी अस्पतालमा उपचार भइरहेको छ।
प्रहरीले लुटेराहरूको खोजि गरिरहेको जिल्ला प्रहरी कार्यालय बाँकेले जनाएको छ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया