दार्चुला । चैत महिना शुरु भएसंगै दार्चुला, बैतडी सहित सुदूरपश्चिमका जिल्लाहरुमा भिटौलो सुरु भएको छ । परापुर्वकाल देखि दार्चुला, बैतडी लगायतका पहाडी जिल्लाहरुमा चैतको महिनामा कोसेली लगेर माइती पक्षले छोरी बैनीहरुलाई भेट्ने चलनलाई भिटौला भन्ने गरिएको छ ।
सुदूरपश्चिमका जिल्लाहरुमा मिठो मसिनो पकाएर छोरी बहिनीहरुलाई उनीहरुकै घरमा गएर प्रत्येक बर्ष चैतको महिना भेट्ने चलन रही आएको छ । चैतको महिनामा माइतीबाट दाजुभाई कहिले भेट्न आउलान भनेर दिदी बहिनीहरुले पनि बाटो कुर्ने गरेका छन् । आफ्ना दाजुभाई नहुनेहरुले वल्लोपल्लो घरका दाजुभाईहरु समेत गएर भेटघाट गर्ने चलन छ । पहाडबाट तराईमा बसाईसरेकाहरु पनि भिटौलो मनाउँदै आएका छन् ।
छोरीबहिनीहरु प्रतिको माया, ममता बढाउन र माइती पक्षको सम्झना मेटाउनका लागि भिटौलाको चलन चलेको स्थानीय संस्कृतिका जानकारहरु बताउछन् । पहिला भिटौला जाँदा घरमै उपलब्ध चीजवस्तुहरु लिएर जाने चलन थियो तर पछिल्लो समयमा बजारका सामग्रीहरु किन्ने चलन पनि बढेको छ । पछिल्लो समय भिटौलाका कारण चैत महिनामा बजारहरुमा पनि चहल पहल बढ्ने गरेको छ ।
चैत महिनाको सुरुदेखि महिनाभरी विवाहित छोरीचेलीहरुलाई भेट्ने चलन रही आएको छ । यो महिनाको भेटघाटले माइतीको नियास्रो मेटिने गरेको चेलिबेटीहरु बताउछन् ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया