लाग्यो इजु चैत मैना, दादा काँछ मेरो !!
रुँदिहो न्याउली चरी, जिउ झुर्दोहो तेरो !!
काफलकी करौउ दानी, हुन लागी लाल !!
फर्किफर्कि आइग्यो इजु, एमास यै साल !!
सोराइले हेर्दोछु मत, दाइका आउन्या बाटो !!
इतिछाटाे बिरानो भयो, मेरै जनम्या माटाे !!
वल्ला घर पल्ला घर, सबै निका छन कि !!
लेख्या इजु सम्राइ मानि, बेदना मन कि !!
उहि लेकको ठन्डाे पानी, शिर-शिर हावा !!
कसि छै उद्भव माता, कसा छन् बाबा !!
गुराँस ढकमक्क होलो, गोरु चरुन्या बन !!
रात जाँदोछ दिन जाँदोछ, सम्झि मनैमन !!
पल्ला घर रेबुदाइकि, लिखु पेलाइ होली !!
मौजउ कलमा बसी, आइनु बातइ होली !!
लिखु पेल्लो हलगोरु, एकपट्या कलमा !!
बाडी बनाइ पठाइ दिया, दोपट्टा सलमा !!
पिसन्या जातरोइ छकि, जान्छौ कित घट्ट !!
दिनबार हेरि पठा इजा, मेरदादा लाई झट्ट !!
यै पाली रूडीयो सर्क, पानीकि हाहाकार !!
घर धन्दा त भौति होली, मिलाइबरी सार !!
गाडाका भिरकी प्याउली, फुलिहोलि डम्म !!
निश्वास जन माणे इजु, भेट नभया सम्म !!
विष्णु जोशी “अँठाेला”
(शैल्यशिखर न.पा-०७ बोहरिगाँउ हाल शैल्यशिखर न.पा.मा सहायक चौथो पदमा कार्यरत …..)
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया