दार्चुला । दार्चुलाको अपिहिमाल गाउँपालिकामा क्षेत्तेली भाषाको ब्याकरण तथा शब्द संग्रह पुस्तक विमोचन एंव अगुवा सम्मान कार्यक्रम सम्पन्न भएको छ । गाउँपालिकाको आर्थिक सहयोग एंव भाषा आयोग काठमाडौँको संयोजनमा क्षेत्तेली भाषाको ब्याकरण तथा शब्द संग्रह पुस्तक विमोचन एंव अगुवा सम्मान कार्यक्रम सम्पन्न भएको हो ।
तामाखानी माविका प्रद्यानाध्यापक एबं पुस्तक अध्ययन समुहका संयोजक शेरसिंह धामीको अध्यक्षतामा आयोजित कार्यक्रममा अपिहिमाल गाउँपालिका अध्यक्ष भक्त सिंह ठेकरे बोहराको प्रमुख आतिथ्यता रहेको थियो । कार्यक्रममा गाउँपालिका भित्रका बुद्दिजीवी, क्षेत्तेली भाषाका जानकार समाजसेवी, अगुवा लगायत सरोकारवालाहरुको उपस्थिति रहेको थियो ।
कार्यक्रमबाट क्षेत्तेली भाषाका अगुवा तथा ज्येष्ठ नागरिक तुला सिंह ठेकरे बोहरा, मान सिंह बोहरा, लक्षिमा अट्याल र मनुरी धामीलाई सम्मानित गरिएको छ । क्षेतेली भाषाको शब्द संग्रह पुस्तक, प्राध्यापक दानराज रेग्मी, लालबहादुर बोहरा, कुमारी निर्मला बोहरा, लक्ष्मण सिंह बोहरा र शेरसिंह धामी लगायतको टोलिले निर्माण एंव शब्दयोजन गरेका थिए ।
अपिहिमालको क्षेत्तेली भाषाको संरक्षणको लागि उक्त अभ्यास गरिएको गाउँपालिकले जनाएको छ । सोहि सभाबाट करिव २०० पुस्तकहरु वितरण एंव हस्तान्तरण गरिएको बताइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया