दार्चुला । दोलखाको माथिल्लो तामाकोशी जलविद्युत् केन्द्रको बाँधस्थलमा रहेको हेडवर्क्समा पहिरोले पुरिएर बेपत्ता भएका तीन जनाको शव फेला परेको छ ।
आइतबार साँझ प्रहरी, नेपाली सेना र सशस्त्र प्रहरीको टोलीले विद्युत् गृहनजिकै क्षतविक्षत अवस्थामा तीन जनाको शव फेला पारेको जिल्ला प्रहरी कार्यालय दोलखाले जनाएको छ । प्रहरीका अनुसार एक जना अझै बेपत्ता रहेका छन् ।
आइतबार साँझ नेपाली सेनाको गरूड गण दोलखामा कार्यरत बैतडीका शंकर चन्द र तामाकोशी जलविद्युत् केन्द्रमा कार्यरत नवलपरासी प्रतापपुरका कृष्णप्रसाद चौधरी र दोलखाको विगु गाउँपालिका १ स्यालुका ३० वर्षीय जयराम तामाङको शव भेटिएको दोलखाका प्रमुख जिल्ला अधिकारी टुवराज पोखरेलले जानकारी दिनुभयो ।
पहिरोमा बेपत्ता नेपाली सेनामा कार्यरत दार्चुलाका नरेन्द्रबहादुर पाल भने अझै बेपत्ता छन् । उनको खोजी भइरहेको प्रहरीले जनाएको छ । पहिराले विद्युत् सञ्चालन गृह क्षतिग्रस्त बनाएपछि ४ सय ५४ मेगावाटको तामाकोशी विद्युत् केन्द्रको उत्पादन ठप्प भएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया