दुर्गादत्त मिश्र, दार्चुला । दार्चुलाको मार्मा गाउँपालिका वडा नम्बर–६ शेरी निम्ठामा कार्तिक ५ गते (भोली) बाट प्रथम (पिएचडी) वडा स्तरीय खुल्ला पुरुष भलिबल प्रतियोगिता सञ्चालन हुने भएको छ ।
सशक्त युवा एकता समाज क्लब मार्माको आयोजनामा युवा अवस्थामै दिंवगत भएका मार्मा गाउँपालिका वडा नम्बर–६ सिरानपानीका स्व. देव सिह धामी, वडा नम्बर ६ गोलेकुडीका स्व.हरक सिह कोट्टारी र वडा नम्बर–६ तल्लाधरेबाजका स्व.प्रताप डडालको सम्झनामा प्रतियोगिता सञ्चालन हुने आयोजक सशक्त युवा क्लब का सचिव दिपेन्द्र सिंह डडालले जानकारी दिनुभयो ।
प्रतियोगितामा प्रथम पुरस्कार नगद रु ३० हजार शिल्ड र प्रमाण पत्र, द्वितीय पुरस्कार नगद रु १८ हजार शिल्ड र प्रमाणपत्र तथा तृतिय पुरस्कार नगद रु १२ हजार शिल्ड र प्रमाणपत्रको व्यवस्था गरिने आयोजकले जनाएको छ ।
भलीबल प्रतियोगिता सोमवार भोलीबाट मार्मा गाउँपालिका वडा नम्बर–६ को शिवलिङ्ग माध्यमिक विद्यालय निम्ठाको प्राङ्गणमा सञ्चालन हुनेछ । यस्तै खेल अवधिभर उक्त क्षेत्रमा मदिरा बेचबिखन तथा सेवनमा प्रतिबन्ध लगाइएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया