दार्चुला । मंसिर १६ (आइतबार) भएको उपनिर्वाचन अन्तर्गत धेरै स्थानको मतपरिणाम आइसकेको छ ।
४१ स्थानमा भएको उपनिर्वाचनमा कांग्रेस–एमाले नै प्रतिस्पर्धी हुने ठानिरहेको बेला माओवादी केन्द्र पनि सशक्त ढंगले आएको देखिन्छ । कतिपय स्थानमा पराजय व्यहोरेको भए पनि एमाले र कांग्रेसले जितेका कतिपय स्थानमा माओवादीले आफ्नो विजयको झण्डा फहराएको छ । यो परिणामले ०६४ साल दोहोरिने भन्दै माओवादी वृत्तमा खुसीयाली छाएको छ ।
२०७९ सालको निर्वाचनमा कांग्रेसले सानदार ढङ्गले जितेको मोरङको ग्रामथान गाउँपालिकामा उपनिर्वाचनबाट परिणाम उल्ट्याएपछि माओवादी अध्यक्ष प्रचण्डले पूर्वबाट ०६४ साल फर्किएको बताएका छन् ।
आफ्ना पार्टीका उम्मेदवार नमोनारायण माझी कांग्रेसभन्दा १६३६ मतको अन्तरले विजयी भएपछि उत्साहित भएका प्रचण्डले यस्तो बताएका हुन् । जबकि उक्त पालिकामा ०७९ सालको निर्वाचनमा माओवादी तेस्रो स्थानमा रहे पनि मत निकै कमजोर थियो ।
उपनिर्वाचनको मतपरिणाम अनुसार माओवादीले ६ हजार ९६९ मत ल्याउँदा कांग्रेसले ५ हजार ३३३ मत ल्याएको छ भने एमालेले भने ४ हजार १५९ मतमात्रै ल्याउन सफल भयो । जबकि २०७९ को निर्वाचनमा कांग्रेसका जयप्रकाश गच्छदार थारु ७ हजार ६०५ मत ल्याएर विजयी हुँदा एमालेका शिवनारायण माझी थारुले ६ हजार ९३ र माओवादीका विजयकुमार सरदारले २ हजार ७२७ मतमात्रै ल्याएका थिए ।
अहिलेको मतपरिणाममा भने धेरै उलटफेर देखियो र तेस्रोबाट माओवादी एकैपटक सानदार ढंगले पहिलो स्थानमा आइपुग्यो ।
जनताको अपार समर्थन र पार्टीका उम्मेदवार सफल भएपछि हौसिएका प्रचण्डले ०६४ साल फर्किएको दाबी गरेका हुन् । उनले जनताभन्दा ठुलो कोही नभएको भन्दै जनतामा जान माओवादीका नेता तथा कार्यकर्तालाई अपिल समेत गर्नुभएको छ ।
विगत ११ बर्षदेखि पत्रकारितामा सक्रिय लोकदर्पण मिडियाका संस्थापक/सञ्चालक लोकेन्द्र प्रसाद जोशी सामाजिक, आर्थिक, राजनीतिक लगायत समसामयिक विभिन्न विधामा कलम चलाउछन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया