दार्चुला । बुधबार राती देखी मौसममा आएको परिवर्तनसँगै दार्चुलाको उच्च पहाडी भेगमा हिमपात भएको छ ।
दार्चुलाको अपिहिमाल गाउँपालिका, ब्याँस गाउँपालिकाका, दुहुँ गाउँपालिका र मालिकार्जुन गाउँपालिका लगायत जिल्लाका उच्च पहाडी तथा हिमाली क्षेत्रमा हिमपात भएको हो । विहिबार विहानै देखी भइरहेको बर्षा र हिमपातले जिल्लामा चिसो बढेको छ ।
हिमपातसँगै बढेको चिसोले जनजीवन प्रभावित भएको स्थानीयहरुले बताएका छन । हिमपातका कारण राप्ला, घुसा, खण्डेश्वरी, छाङरु, व्यास, टिङ्करलगायतका बासिन्दा बढी प्रभावित भएका छन ।
पश्चिमी वायुको प्रभावले सुदूरपश्चिममा वर्षा तथा हिमपात भइरहेको छ । चिसोको समयमा बालबालिका तथा वृद्धवृद्धाहरुको स्वास्थ्यको ख्याल गर्नुपर्नेमा स्वास्थ्यकर्मीहरुले जोड दिएका छन् ।
हिउँदे बर्षाले बालीनालीमा भने फाइदा पुगेको किसानहरुले बताएका छन् । बर्षाले बालीनाली तथा हिउँदे फलफूलमा सिँचाइको काम गरेको कृषि प्राविधिकहरुले बताएका छन् । खडेरीले बालीनाली सुक्नै लागेका बेला भएको बर्षाले राहत मिलेको स्थानीयहरुले बताएका छन् ।
सिँचाइ सुविधा नभएका ठाउँमा हिउँदे बर्षाले सिँचाइको काम गरेको छ। हिउँदे बर्षाले बालीनालीमा निकै फाइदा पुगेको लेकम गाउँपालिका वडा नम्बर ६ का स्थानीय राम दत्त मिश्र बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया