दार्चुला । दार्चुलाको नौगाड गाउँपालिका सार्वजनिक वित्तीय व्यवस्थापन, दिर्घकालीन सेवा डेलिभरी कार्यक्रमको लागी छनोट भएको छ ।
एसियाली विकास बैंक (एडिबी) को सहयोगमा दार्चुलाको नौगाड गाउँपालिका सहित देशैभरीका ९ वटा स्थानीय तहहरु उक्त कार्यक्रममा छनोट भएका छन् ।
जसअन्र्तरगत दार्चुलाको नौगाड सहित, बाजुराको जगन्नाथ गाउँपालिका, कैलालीको गोदावरी नगरपालिका, स्याङ्जाको फेदीखोला गाउँपालिका, तनहुँको ब्याँस नगरपालिका, चितवनको भरतपुर महानगरपालिका, दोलखाको शैलुङ गाउँपालिका, काभ्रेपलाञ्चोकको बनेपा नगरपालिका र धादिङको ज्वालामूखी गाउँपालिका छनोटमा परेको सङघिय मामिला तथा सामान्य प्रशासन मन्त्रालय, विकास सहायता समन्वयका शाखा अधिकृत संजय अधिकारीद्धारा हस्ताक्षरित सूचनामा उल्लेख गरिएको छ ।
छनोट भएका सम्र्पुण स्थानीय तहका प्रमुख, प्रशासकीय अधिकृत, योजना शाखा प्रमुख, राजस्व शाखा प्रमुख र लेखा प्रमुखहरुसंग फागुन १८ गते पोखरामा कार्यशाला गोष्ठीको आयोजना गरिएको छ ।
गोष्ठीमा सहभागी हुन नौगाड गाउँपालिकाको टोली आज पोखरा प्रस्तान गरेको गाउँपालिका अध्यक्ष दलजित सिंह धामीले जानकारी दिनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया