दार्चुला । दार्चुलाको नौगाड गाउँपालिकाले आठौँ स्थापना दिवस मनाएको छ ।
नौगाड गाउँपालिकाको केन्द्र होपरीगाडमा आयोजित कार्यक्रममा गाउँपालिका अध्यक्ष दलजीत सिंह धामीको अध्यक्षता रहेको थियो । त्यस्तै कार्यक्रममा गाउँपालिका उपाध्यक्ष जगत सिंह ठगुन्ना, प्रमुख प्रशासकीय अधिकृत पुष्कर सिंह धामी, लगायत कर्मचारीहरु, वडा अध्यक्षहरु, राजनितिक दलका प्रतिनिधि, विद्यालयका प्रध्यानाध्यापकहरु लगायत सरोकारवालाहरुको आतिथ्यता एंव उपस्थिति रहेको थियो ।
कार्यक्रममा वडा स्तरीय ठाडी भाका, दमाहा बजा र महिला समूहहरुको डेउडा प्रतियोगिता लगायतका कार्यक्रमहरु सञ्चालन गरिएको नौगाड गाउँपालिकाका कृषि शाखा अधिकृत प्रकाश सिंह धामीले जानकारी दिनुभयो । प्रतियोगितामा सहभागी सम्पूर्ण समुहहरुलाई गाउँपालिकाले सम्मान गरेको छ ।
त्यस्तै जिल्लास्तरीय राष्ट्रपति रनिङ शिल्डमा सहभागी भइ स्थान प्राप्त गर्ने खेलाडीहरुलाई पुरस्कार वितरण गरिएको उहाँले जानकारी दिनुभयो।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया