दार्चुला । यस वर्षको माध्यमिक शिक्षा परीक्षा (एसईई) आजदेखि शुरू हुँदैछ । बिहान ८ बजेदेखि दार्चुलाका १७ वटा परीक्षा केन्द्रबाट यो बर्षको एसईई परीक्षा सुरु हुन लागेको हो ।
जिल्ला भरिका ७६ वटा विद्यालयका एसईई दिने परीक्षार्थीको लागी १७ वटा परीक्षा केन्द्र निर्धारण गरिएको शिक्षा विकास तथा समन्वय इकाई दार्चुलाका प्रमुख जयराज पन्तले जानकारी दिनुभयो । परीक्षामा सहभागी हुने सम्पुर्ण विद्यार्थीलाई ढुक्क र निर्धक्क भएर परीक्षा दिन प्रमुख पन्तले आग्रह गर्नुभयो ।
आजबाट चैत्र १९ गतेसम्म संञ्चालन हुने परीक्षामा सहभागी हुन जिल्ला भरिका ३ हजार १ सय ८६ जना विद्यार्थीले फाराम भरेको उहाँले बताउनुभयो ।
२०७८/७९ का साधारण धार तर्फका विद्यार्थीहरुका लागी खंलगामा रहेको छन्ना टिंकरी कन्या माध्यमिक विद्यालयमा परीक्षा केन्द्र तोकिएको छ भने, प्राविधिक धार तर्फका परीक्षा खंलगामा रहेको महेन्द्र नमुना माध्यमिक विद्यालयको परीक्षा केन्द्र क,र ख बाट संञ्चालन हुने कार्यालयले जनाएको छ ।
परीक्षा तालिकानुसार आज पहिलो दिन अनिवार्य अङ्ग्रेजी तथा संस्कृत वेदविद्याश्रमतर्फ अनिवार्य संस्कृत र मदरसातर्फ अनिवार्य अरबी भाषाको परीक्षा हुँदैछ । बोर्डले यस वर्ष असार ७ गतेभित्र परीक्षाको नतिजा सार्वजनिक गर्ने भएको छ भने न्यूनतम ३५ अङ्कभन्दा कम ल्याउने परीक्षार्थी अनुत्तीर्ण हुनेछन् ।
लेटर ग्रेडिङ प्रणालीमै यस वर्ष पनि परीक्षाको नतिजा सार्वजनिक गर्ने तयारी गरिएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया