दार्चुला । दार्चुलामा पछिल्लो १० महिनामा भीरबाट लडेर १३ जनाको मृत्यु भएको छ।
चालु आर्थिक वर्षको असार देखि चैत्र ५ गते सम्म भीरबाट लडेर १३ जनाको मृत्यु भएको हो । प्रहरी संग पुगेको तथ्याङ्क अनुसार जिल्लामा १० महिनामा १३ जनाले ज्यान गुमाएका छन ।
यो अवधिमा १० पुरुष र ३ महिला गरि १३ जनाको भीरबाट लडेर मृत्यु भएको जिल्ला पहरी कार्यालय दार्चुलाका प्रहरी निरीक्षक तथा सूचना अधिकारी कान्तीराज जोशीले बताउनुभयो । साउन महिनामा १ जनाको भीरबाट लडेर मृत्यु भएको जिल्ला प्रहरी कार्यालयको तथ्याङ्कले देखाएको छ।
त्यस्तै भदौ महिनामा २ जना, मंसिर महिनामा ३ जना, पुषमा २ जना, माघमा ३ जनाको भीरबाट लडेर मृत्यु भएको जिल्ला प्रहरी कार्यालय दार्चुलाको तथ्याङ्क रहेको छ। त्यस्तै फागुन महिनामा २ जना र चैत्र महिनाको हाल सम्म १ जनाको भीरबाट लडेर मृत्यु भएको छ।
भीरबाट लडेर मृत्यु भएका सबैको तथ्याङ्क प्रहरी सम्म नपुग्ने हुदा मृतको संख्या थप हुन सक्ने प्रहरीले जनाएको छ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया