दार्चुला । दार्चुलाको शैल्यशिखर नगरपालिका वडा नम्बर ९ मा अवस्थित गोकुलेश्वर बजारको फोहोर नगरपालिकाले उठाएको छ ।
लामो समयसम्म डम्पिङ क्षेत्रको अभावले उठाउन नसकिएको फोहोर शनिवार (आज) बाट नगरपालिकाको पहलमा उठाउन लागिएको शैल्यशिखर नगरपालिकाका नगर प्रमुख विजय सिंह धामीले जानकारी दिनुभयो । उहाँका अनुसार नगरपालिकाले अहिले गाजरी क्षेत्रमा डम्पिङ साइडको व्यवस्था मिलाएको छ ।
गोकुलेश्वर बजार क्षेत्रमा रहेको फोहोर आजबाट निरन्तर रुपमा उक्त क्षेत्रमा लगेर गाजरी क्षेत्रमा व्यवस्थापन गरिने नगरपालिकाका प्रमुख प्रशासकीय अधिकृत शुरेन्द्र बहादुर बिष्टले बताउनुभयो । लामो समयबाट फोहोर फाल्ने क्षेत्र नहुदा गोकुलेश्वर बजार क्षेत्रको फोहोर खोला छेउछाउमा फाल्ने गरिएको थियो ।
हाल नगरपालिकाले डम्पिङ क्षेत्रको व्यवस्था मिलाएर उक्त क्षेत्रमा फोहर व्यवस्थापन गर्ने अधिकृत बिष्टले बताउनुभयो । शनिवार (आज) नगरपालिकाले २० जना कामदार लगाएर फोहर उठाउन कामको सुरुवात गरेको बताइएको छ ।
फोहोर उठाएर व्यवस्थापन गर्ने कार्यलाई निरन्तरता दिईने शैल्यशिखर नगरपालिकाले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया