दार्चुला । दार्चुलाको अपिहिमाल गाउँपालिकामा विद्यालय व्यवस्थापन समिति अध्यक्षहरुको २ दिने क्षमता विकास अभिमुखीकरण तालिम सम्पन्न भएको छ ।
गाउँपालिकाको शिक्षा युवा तथा खेलकुद शाखाको आयोजनामा गाउँपालिकाभित्रका विद्यालय व्यवस्थापन समितिका अध्यक्षहरुको २ दिने तालिम शुक्रवार (हिजो) सम्पन्न भएको शिक्षा युवा तथा खेलकुद शाखामा कार्यरत प्राविधिक सहायक मदन राज जोशीले जानकारी दिनुभयो ।
अभिमुखिकरण तालिममा शिक्षा क्षेत्र सुधारका विषयमा छलफल सहित प्रशिक्षण गराइएको छ । शिक्षा अधिकृत विरेन्द्र सिंह साउँदको अध्यक्षतामा सञ्चालन भएको कार्यक्रममा गाउँपालिका अध्यक्ष भक्त सिंह ठेकरे बोहराको प्रमुख आतिथ्यता रहेको थियो ।
अभिमुखिकरण कार्यक्रममा गाउँपालिका अन्र्तरगतका २२ वटै सामुदायीक विद्यालयका विद्यालय व्यवस्थापन समिति अध्यक्षहरुको सहभागीता रहेको थियो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया