दार्चुला । दार्चुलाको मार्मा गाउँपालिका वडा नम्बर ४ र ५ को सिमानामा पर्ने घट्ट पारी पलाउने सामुदायिक वनमा भिषण आगलागी भइरहेको छ ।
चैत्र १५ गतेबाट सुरु भएको आगलागी बस्तीहरु नजिकै पुग्न लागेको छ । ४ दिन अगाडी मुरैको माथिल्लो भेगबाट लागेको आगो वडा नम्बर ४ को डेडपानी, ल्युणेखोला र देवानगोदा लगायतका बस्तीहरु नजिकै पुगेको मार्माबाट लोकदर्पण समाचारदाता लक्ष्मण सिंह महताले जानकारी दिनुभयो ।
उहाँका अनुसार वडा नम्बर ४ मा पर्ने पलाउने बनमा लागेको आगो काठका मुडाहरु खसेर वारी ९वडा नम्बर ५० मा पुग्ने सम्भावना रहेको छ । खोलावारी वडा नम्बर ५ को नोला, नखरी र गोल्फा लगायतका बस्तीहरु रहेका छन् ।
विगत ४ दिनबाट बनमा डढेलो लाग्दा पलाउने वनमा रहेका सल्ला, गुरास र बाजँका बोट तथा रुखहरु जलेर नष्ट भएका छन् । यस विषयमा इलाका प्रहरी कार्यालय लटिनाथका प्रहरी निरीक्षक एंव इन्चार्ज कैलाश बिष्टलाई बुझ्दा १७ गते राती ७ बजेबाट इलाका प्रहरी कार्यालय लटिनाथको टोली रातभर खटिएर डढेलो नियन्तरणमा आएको छ ।
प्रहरीको टोलीले जान नसक्ने एक दुइ ठाउँमा सामान्य आगो छुटेको र त्यही आगो अहिले पुनः जंगलभरी फैलिएको उहाँले बताउनुभएको छ । आज पुनः उक्त क्षेत्रबाट आगलागीको खबर आएको र प्रहरी परिचालन गरी आगो निभाउने प्रयास गरिने उहाँले बताउनुभएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया