दार्चुला । दार्चुलाको लेकम गाउँपालिका वडा नम्बर ५ मा ७ दिने मौरीपालन सीप विकास तालिम सञ्चालन भएको छ। सोमबार (आज) वडा नम्बर ५ का वडा अध्यक्ष बल्देव सिंह बोहराको अध्यक्षतामा तालिमको उद्घाटन गरिएको हो।
गरीबी निवारणको लागि गाउँपालिकाको उद्यम विकास शाखाको आयोजनामा वडा नम्बर ५ भित्रका कृषकहरुको लागि ७ दिने मौरीपालन सीप विकास तालिम सञ्चालन गरिएको वडा अध्यक्ष बल्देव सिंह बोहराले जानकारी दिनुभयो ।
तालिममा वडा नम्बर ५ भित्रका १६ जना नयाँ उद्यमीहरुको सहभागिता रहेको गाउँपालिकाका बरिष्ठ उद्यम विकास सहजकर्ता पुरन बगालले जानकारी दिनुभयो ।
सहभागिहरुलाई तालिम पश्चात १-१ मौरीसहितको घार वितरण गरिने उहाँले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया