दार्चुला । दार्चुलाको अपिहिमाल गाउँपालिकाले अगामी आर्थिक वर्ष २०८२।८३ को नीति तथा कार्यक्रम सार्वजनिक गरिएको छ ।
गाउँसभाको २०औँ अधिवेशनबाट अगामी आर्थिक वर्षको नीति तथा कार्यक्रम सार्वजनिक गरिएको गाउँपालिका अध्यक्ष भक्त सिंह ठेकरे बोहराले जानकारी दिनुभयो । अपिहिमाल गाउँपालिकाले अगामी आर्थिक वर्ष २०८२।८३ लाई सुदूरपश्चिम प्रदेशकै ‘उत्कृष्ट पर्यटकीय गन्तव्य’ पालिका घोषणा वर्षको रुपमा मनाउने भएको छ ।
त्यस्तै गाउँपालिकाले अगामी आर्थिक वर्षभित्र पालिकाको केन्द्रसम्म सडक पुर्याउने, गाउँपालिकाभित्रका १० वटा विद्यालय भवनहरु निर्माण गर्ने, जलवायु अनुकलन कार्यक्रम अन्तरगत कृषि र भेटेरिनरी कार्यक्रमलाई प्रवद्धन गर्ने,शिक्षकहरुलाई तालिमको व्यवस्था गर्ने, वर्थिङ सेन्टरहरुलाई व्यवस्थापन गर्ने, लगायतका विषयहरु नीति तथा कार्यक्रममा समावेश गरिएका छन् ।
त्यस्तै स्थानीय उत्पादनको प्रवद्र्धन, युवा सशक्तिकरण,विपद् व्यवस्थापन र सूचना प्रविधिमा आधारित सेवा विस्तार लगायतका विषयहरु समेटिएका छन् । गाउँपालिकाले मंगलवार (भोली) गाउँपालिकाको अगामी आर्थिक वर्ष २०८२।८३ को बजेत सार्वजनिक गर्ने बताइएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया