दार्चुला । दार्चुलामा यतिबेला धान रोपाईको चटारो छ । जेठको तेस्रो साताबाटै दार्चुलामा धान रोपाई सुरु भएको कृषि ज्ञानकेन्द्र दार्चुलाले जनाएको छ ।
जिल्लाको कुल खेतीयोग्य क्षेत्रफल २९ हजार ५४४ हेक्टर क्षेत्रफल जमिन मध्ये ४ हजार ४२२ हेक्टर क्षेत्रफलमा धान रोपाई हुने गरेको उहाँले बताउनुभएको छ । असारको ८ गते सम्म ७ सय हेक्टर क्षेत्रफलमा रोपाई सम्पन्न भई १५ दशमलव ८३ प्रतिशत रोपाई सम्पन्न भएको उहाँले बताउनुभयो । दार्चुलामा सुख्खा कुमल र खुमल जातको तथा अन्य लोकल जातको धान उत्पादन हुने प्रमुख उपाध्यायले बताउनुभयो ।
जिल्लाको ३२ दशमलव १२ प्रतिशत अर्थात ९ हजार ४९२ हेक्टर क्षेत्रफल जमिन सिंचाईको पहुँचमा रहेको बताइएको छ । खेतीयोग्य जमिन २९ हजार ५४४ हेक्टर क्षेत्रफल मध्ये २२ हजार ८२५ हेक्टर क्षेत्रफल खेती गरिएको जमिनमा सिंचाईको सुविधा पुगेको छ । दार्चुलामा वार्षिक १२ हजार ५५८ मेट्रिक टन अर्थात २ दशमलव ८४ प्रतिशत धान उत्पादन हुने गरेको कृषि ज्ञान केन्द्रको तथ्याङ्क छ ।
यसवर्षको धान दिवस असार १५ गते (भोली) महाकाली नगरपालिका वडा नम्बर ५ किम्तडीमा मनाईने कार्यालय प्रमुख उपाध्यायले बताउनुभएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया