दार्चुला । दार्चुलाको व्याँस गाउँपालिका वडा नम्बर राप्लामा पहिरोले दुई घरमा क्षती भएको छ। आइतबार राती बर्षासंगै खसेको पहिरोले वडा नम्बर २ राप्लाको गोतपानीका कालु राम कामी र मानमती कामीको घर उच्च जोखिममा परेको व्याँस गाँउपालिका उपाध्यक्ष विनोद सिंह कुँवरले बताउनुभयो ।
घर मुनीबाट पहिरो खसेपछि उक्त टोलमा रहेका दुई घर अतिउच्च जोखिममा परेको उहाँले बताउनुभयो । पहिरो खसेपछि घरका भित्ताहरु चर्किएको उपाध्यक्ष कुँवरले बताउनुभयो ।
पहिरोले विस्तापित परिवारलाई अहिले सोही वडामा रहेको मिलन केन्द्रमा स्थानान्तरण गरिएको छ। व्याँसका जनप्रतिनिधि स्थानीय र सुरक्षा निकायको सहयोगमा विस्तापित परिवारको उद्दार गरि सुरक्षीत स्थानमा सारिएको उपाध्यक्ष कुँवरले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया