दार्चुला । जेनजी प्रदर्शनका क्रममा गोली लागेर घाइते भएका बैतडीका एक किशोरको उपचारका क्रममा निधन भएको छ । जिल्लाको शिवनाथ गाउँपालिका वडा नम्बर २ मडका १८ बर्षीय दिपकसिंह साउँदको उपचारका क्रममा शुक्रबार राति ८ बजे निधन भएको हो ।
भदौ २३ र २४ गते जेनजी पुस्ताले गरेको आन्दोलनका क्रममा साउँदलाई गोली लागेको थियो । उहाँको शिक्षण अस्पताल महाराजगञ्जमा उपचारका क्रममा निधन भएको बताइएको छ ।
यसैबीच शिवनाथ गाउँपालिकाले भोलि (आइतबार) पालिकाभरी शोक बिदा दिएको छ । गाउँपालिकाको वडा नम्बर २ मड घर भएका दिपक सिंह साउँदको जेनजी प्रर्दशनको क्रममा घाइते भइ उपचारका क्रममा मृत्यु भएको खबर निकै दुखित तुल्याएको गाउँपालिकाले प्रकाशन गरेको शोक वक्तव्यमा उल्लेख गरिएको छ ।
साउँदको निधन भएको शोकमा आइतबार पालिकाभरीका सरकारी तथा गैरसरकारी निकाय, शिक्षण संस्था लगायतमा शोक बिदा रहेको गाउँपालिकाले जनाएको छ ।
मृतक साउँदलाई राष्ट्रिय शहीद घोषणा गरि पीडित परिवारलाई उचित क्षतिपूर्ती उपलब्ध गराउन गाउँपालिकाले नेपाल सरकारसँग माग समेत गरेको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया