दार्चुला । दार्चुलाको धाप स्थित महाकाली नदी किनारमा फेला परेको बेवारिसे शवको सनाखत हुन सकेको छैन । बुधबार महाकाली नगरपालिका वडा नम्बर ७ धाप स्थित महाकाली नदी किनारमा बेवारिसे अवस्थामा महिलाको शव फेला परेको थियो ।
उक्त शवको अहिले सम्म पहिचान हुन नसकेको जिल्ला प्रहरी कार्यालय दार्चुलाका प्रहरी निरीक्षक बिक्रम बहादुर शाहीले जानकारी दिनुभयो । शवको शुक्रबार (आज) जिल्ला अस्पतालमा पोस्टमार्टम गरिएको उहाँले बताउनुभयो ।
बेवारिसे अवस्थामा बुधबार अन्दाजी ३५ वर्षीया महिलाको शव फेला परेको थियो । उक्त शव अहिले जिल्ला अस्पतालको शव गृहमा राखिएको छ । प्रहरीले शव फेला परेको विषयमा जानकारी गराएको भए पनि पहिचान हुन नसकेको प्रहरी निरीक्षक शाहीले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया