दार्चुला । चालू आर्थिक वर्ष २०८२/८३ को ७ महिनामा १२ खर्ब ६१ अर्ब १ कराेड रुपैयाँ रेमिट्यान्स भित्रिएकाे छ ।
राष्ट्र बैंकले सार्वजनिक गरेको चालू आर्थिक वर्षका ७ महिना (माघ मसान्तसम्म) को तथ्याङ्कमा आधारित देशको वर्तमान आर्थिक तथा वित्तीय स्थिति प्रतिवेदनअनुसार गएकाे आर्थिक वर्षको यही अवधिको तुलनामा यस वर्ष रेमिट्यान्स ३९ दशमलव ८ प्रतिशतले बढेको हो ।
अघिल्लो महिना माघमा मात्रै १ खर्ब ९८ अर्ब ८ करोड रुपैयाँ रेमिट्यान्स भित्रिएको नेपाल राष्ट्र बैंकको तथ्याङ्कले देखाएको छ । अघिल्लाे वर्षको यही महिनामा १ खर्ब ३७ अर्ब ५० करोड रुपैयाँ रेमिट्यान्स भित्रिएकाे छ ।
यस्तै ७ महिनामा वैदेशिक राेजगारीका लागि २ लाख ४५ हजार १५३ जनाले अन्तिम श्रम स्वीकृति र २ लाख २७ हजार ४२४ जनाले पुनः श्रम स्वीकृति लिएका छन् । अघिल्लाे वर्षकाे यही अवधिमा २ लाख ७४ हजार ६२२ जनाले अन्तिम श्रम स्वीकृत र १ लाख ९० हजार ८८६ जनाले पुनः श्रम स्वीकृति लिएका थिए ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया