दार्चुलाको निर्वाचन क्षेत्र नम्बर १ (ख) बाट निर्वाचित प्रदेश सभा सदस्य मान बहादुर धामी सन्तोषले कोरोना जित्नु भएको छ । कोरोना संक्रमण पुष्टि भएको १३ दिन पछि गरिएको परीक्षणमा कोरोना नेगेटिभ आएको प्रदेश सभा सदस्य धामीले जानकारी दिनुभयो ।
कोरोना संक्रमण पुष्टि भएपछि १३ दिनसम्म सेल्फ क्वारेन्टाइनमा बस्नु भएका प्रदेश सभा सदस्य धामीको पीसीआर रिपोर्ट नेभेटिभ आएको हो । खानपानमा ध्यान दिनुका साथै नियमित आराम र उच्च आत्मबलको कारण आफुले कोरोना जितेको उहाँको अनुभव छ ।
प्रदेश सभा सदस्य धामीलाई कैलालीमा संक्रमण पुष्टि भएको थियो । दार्चुलामा हालसम्म २५६ जनामा संक्रमण पुष्टि भएकोमा १०४ जना मात्रै सक्रिय संक्रमित रहेका छन् ।
दार्चुलाको महाकाली नगरपालिकामा सबैभन्दा बढी संक्रमण फैलिएको छ । कारागार, सशस्त्र प्रहरी, नेपाल प्रहरी, नेपाली सेना, स्वास्थ्यकर्मी, कर्मचारी र स्थानीय गरी नगरपालिकामा १६४ जना संक्रमित भएर ९२ जना संक्रिय संक्रमित रहेका छन् ।
सुदूरपश्चिम प्रदेशमा कोरोना संक्रमितको संख्या ९ हजार ३ सय नाघेको छ । संक्रमण पुष्टि भएका मध्ये ७ हजार ४ सय ८३ जनाले कोरोना जितेका छन् भने ३० जनाको मृत्यु भएको छ । दार्चुलाका दुई जना पुरुषको जिल्ला बाहिर उपचारको क्रममा मृत्यु भएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
