दार्चुला । बैतडीमा शुक्रबार (आज) थप दुई जनामा कोरोना पुष्टि भएको छ ।
जिल्ला अस्पताल बैतडीको प्रयोगशालामा गरिएको परीक्षणमा नेपाली सेनाका एक जना पुरुष र जिल्लाको दोगडाकेदार गाउँपालिकाका वडा नम्बर ६ का एक पुरुष गरि थप दुई जनामा कोरोना संक्रमण पुष्टि भएको स्वास्थ्य कार्यालय बैतडीका कोभिड -१९ सम्पर्क व्यक्ति भुवनप्रशाद जोशीले जानकारि दिनुभयो ।
आज थप दुई जनामा कोरोना पुष्टि भएसंगै बैतडीमा कोरोना संक्रमितको सङख्या पाँच सय ८५ पुगेको छ । ,
यस्तै जिल्लामा आज ३ जना कोरोना संक्रमण मुक्त भएका छन ।दशरथचन्द नगरपालिकाका थप तिन जना कोरोना जितेर डिस्चार्ज भएको स्वास्थ्य कार्यालय बैतडीले जनाएको छ ।
अब जिल्लामा कोरोनाका ६२ जना सक्रिय संक्रमित रहेका छन । दशरथचन्द नगरपालिकामा ३८ , डीलाशैनि गाउँपालिकामा १७ जना , पाटनमा नगरपालिकामा एक जना, पुर्चौडी नगरपालिका, दोगडाकेदार गाउँपालिका र सुर्नया गाउँपालिकामा दुई-दुई जना कोरोनाका सक्रिय संक्रमित रहेको स्वास्थ्य कार्यालय बैतडीका कोरोना भाईरस कोभिड -१९ सम्पर्क ब्यक्ति जोशीले बताउनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया