दार्चुला । सुदूरपश्चिम प्रदेशमा सवारी दुर्घटना बढेको छ । गत विगतका वर्षहरुको तुलनामा चालुुवर्ष सवारी दुर्घटनामा उल्लेख्य बृद्धि भएको प्रदेश ट्राफिक प्रहरी कार्यालय अत्तरियाले जनाएको छ ।
चालु आर्थिक वर्ष २०७७/०७८ मा सबै भन्दा बढी मंसिरमा मात्रै ७७ सवारी वटा दुर्घटना भएका छन । जसमा ३१ जनाको मृत्यु भएको छ, भने एक सय ५८ जना घाइते भएको प्रदेश ट्राफिक प्रहरी कार्यालय अत्तरियाको तथ्याकंमा उल्लेख छ ।
मंसिर महिनामा सबै भन्दा बढी कैलालीमा ८, कञ्चनपुर र बैतडीमा ५-५ जनाको मृत्यु भएको छ । डोटीमा ४ दार्चुला र बझाङमा ३-३ जनाको मृत्यु भएको छ । त्यस्तै अछाममा २ र बाजुरामा १ जनाको मृत्यु भएको छ ।
यस्तै कार्तिक महिनामा ५४ सवारी साधन दुर्घटना भएका छन । जसमा २७ जनाको मृत्यु भएको छ । यस्तै सो दुर्घंटनामा एक सय २२ जना घाइते भएका छन् ।
असोजमा ३९ सवारी दुर्घटना हुँदा १० जनाको मृत्यु भएको छ, भने ६७ जना घाइते भएका छन् ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया