दार्चुला । नेपाल कम्युनिस्ट पार्टी (नेकपा) का नेता वामदेव गौतमले नेकपा फुटाउनुको एउटा पनि औचित्य नदेखेको बताउनुभएको छ ।
राष्ट्रिय सभा सदस्यसमेत रहनुभएका गौतमले राष्ट्रिय सभाको बैठकमा नेता गौतमले पार्टीभित्र वादविवाद हुने तर ती वादविवाद पार्टीलाई बलियो बनाउनको लागि हुनुपर्नेमा त्यस्तो नभएको बताउनुभयो ।
‘पार्टी फुटाउनुको कुनै औचित्य नै देख्दिनँ, नेताहरूले किन यस्तो गरिरहनुभएको छ, मैले बुझेको छैन’, गौतमले भन्नुभयो ।
पार्टीका हरेक बैठकमा आफूले नेताहरूको कार्यशैली सुधार्न माग गरेको तर नेताहरू नसुध्रिएको नेता गौतमको भनाइ छ । पार्टीमा समस्या आउनुको मुख्य कारण केपी शर्मा ओली नै रहेको गौतमको दाबी छ ।
‘म प्रधानमन्त्रीको कार्यशैलीको कट्टर आलोचक हुँ, हरेक बैठकमा मैले गलत कार्यको विरोध गरेँ, उहाँले त्यसलाई सकारात्मक रूपमा लिनुभएन, पार्टीमा विवाद आउनुको मुख्य कारण नै उहाँ हो’, गौतमले भन्नुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया