१.
भेट्न नपरोस बाचा कसम तोडी जाने लाई
लगाई माया विच बाटो मै छोडी जाने लाई ।
यो जुनि त के हजार जुुनि सम्म देख्न नपरोस
मलाई एक्लै छोडी बाटो मोडी जानेलाई ।।


फुल्न नपाई डालीबाटै झरे भने माफ गर्नु है
अन्जान मै मैले गल्ती गरे भने माफ गर्नु है ।
जीवन भरी माया गर्छु छोड्ने छैन तिमीलाई
बाध्यताले छोडी बसाई सरे भने माफ गर्नु है ।।


सुख दुख तिमी संग साट्न मन छ मलाई
यो जीवन त तिमीसंगै काट्न मन छ मलाई ।
तिम्रो पनि सहमती छ, भने त मेरो प्रिय
नचुडिने मायाको डोरी बाट्न मन छ मलाई ।।


म संगै जीवन जिउने मान्छे चाहियो
फाटेको यो मन सिउने मान्छे चाहियो ।
चोखो अनि निश्चल माया दिउँला बरु सधै
यो मायाको नशा पिउने मान्छे चाहियो ।।


मरि सके म मेरो लास हेर्न आउनु
मृत शरिर अंगालोमा बेर्नलाई आउनु ।
तिम्रैहातको दागबत्तीले मेरोचिता जलाउन
एक काँटी सलाई काटी केर्न लाई आउनु ।।


यदि म मरे भने उस्लाई खबर पठाई दिनु
दुई थुङ्गा फुल ल्याई लासमाथि चढाई दिनु ।
जीउदो छदा त मलाई पिडामात्र दिईरहेथ्यो
मरेपछि मेरालागी दुई थोपा आँशु खसाईदिनु ।।


नल्याउ मेरो लागी उपहार म मरीसके
सुनाई दिनु उस्लाई खबर म मरिसके ।
भन्थ्यो तिम्लाई छाडी उस्लाई माया गरु की
नपर्नु है प्रिय अब दोधार म मरी सके ।।


छोडी गयौ तरपनि बारम्बार सम्भिन्छु
मनबाट त हटाईसके तर बेकार सम्झिन्छु ।
मेरो पुरै जीन्दगीलाई नै छिनालेर गयौ
त्यसैले तिमिलाई छुरा अनि तरबार सम्झिन्छु ।।


तिमी संग माया प्रिती लाउदा पनि खुसी नै हो
साध दिने मान्छे तिमी पाउदा पनि खुसी नै हो ।
किन भेट्नै आउदिन भन्छ्यौ र प्रिया तिम्ले
कहिले काही त भेट्नभनि आउदा पनि खुसी नै हो ।

१०
सुरुमा उस्ले माया गर्छु भनेको हो
त्यस पछि त तिमी विना मर्छु भनेको हो ।
थाहै भएन उस्ले खै किन यस्तो भन्दै छ
एक्कासी अन्तै बसाई सर्छु भनेको हो ।।

प्रतिक्रिया

सम्बन्धित खवर

 

शिक्षा क्षेत्रलाई पहिलो प्राथमिकता दिएका छौँः नगरप्रमुख नरसिंह चैसीर (अन्तरवार्ता)

२०८० माघ २४, बुधबार १२:३६

ताजा समाचार

लोकप्रिय

सिफारिस

छुटाउनु भयो कि ?