दार्चुला । सेप्टेम्बर १५ अर्थात भोलिदेखि साउदीले विदेशी नागरिकलाई प्रवेश खुल्ला गर्ने भएको छ ।
साउदीको परिचयपत्र अकामा, बसोबासको अनुमति भएका र भिजिट भिसामा पनि साउदी अरब प्रवेशका लागि अनुमति दिइने निर्णय भएको अरब न्युजले खबर लखेको छ । तर त्यसका लागि साउदी पुग्नुभन्दा ४८ घण्टा अघिको कोरोना भाइरसको पीसीआर रिपोर्ट नेगेटिभ भएको हुनुपर्छ ।
साथै साउदीले सरकारी कर्मचारी, सैनिक र कुटनीतिक नियोगका कर्मचारीलाई प्रवेशमा पनि रोक नलगाउने बताएको छ । साथै उपचारका लागि साउदी जान चाहनेका लागि पनि साउदीले प्रवेश खुल्ला गरेको छ ।
साउदी अरेबियाले सेप्टेम्बर १५ देखि अन्तर्राष्ट्रिय उडानमा लगाएको प्रतिबन्ध केही खुकुलो बनाउँदैछ ।
साउदीले अर्को वर्ष अर्थात २०२१ जनवरी १ देखि भने हवाई उडानमा, जमिनमार्फत हुने प्रवेश र सामुद्रिक प्रतिबन्ध पूर्ण रुपमा खुल्ला गर्नेछ । तर परिस्थिति हेरेर आउँदो डिसेम्बरमा नयाँ यकिन मिति तय गर्ने साउदीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
विचार/ब्लग
लोकदर्पण टि.भी
टिंकरमा सशस्त्रको बिओपीः नेपालीमाथि दुर्व्यवहार, भारतीय प्रशासनद्धारा गल्ती स्वीकार
२०८० भाद्र २८, बिहीबार २०:३१
