चौलानी नदीमा मृत भेट्टिएकी महिलाको सोमबार पहिचान खुलेको छ ।
मृत भेट्टिनेमा दार्चुलाको शैल्यशिखर नगरपालिका ६ उल्लानीका ४१ बर्षीया हंसादेवी धामी हरनुभएकाे छ ।
ती महिलाका घरपरिवारको सदस्यले आएर शवको सनाखत गरेका बैतडीका प्रहरी प्रवक्ता, प्रहरी निरीक्षक किसन चन्दले जानकारी दिनुभयो ।
आइतबार दशरथचन्द नगरपालिका ६ सेरास्थित चौलानी नदी किनारमा ती महिलाको शव फेला परेको थियो ।
शवफेला परेपश्चात प्रहरीले बैतडी र दार्चुलाका सबै प्रहरी युनिटलाई हुलियासिहत खबर गरेको थियो ।
हुलियाको आधारमा ती महिलाका घरपरिवार आएर शवको पहिचान गरेको प्रहरीले जनाएको छ ।
मृतक महिला असोज ७ गते एक्कासी घरबाट बेपत्ता भएका थिए ।
मृतकको शव परीक्षणपश्चात घरपरिवारको जिम्मा लगाइने भएकाे छ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै प्रकाशित
