दार्चुलामा हालसम्म ३६ सय बढी मानिसको कोरोना परीक्षण गर्दा २९३ जनामा कोरोना पुष्टि भएको छ । संक्रमण पुष्टि भएका २६२ जनाले कोरोना जितिसकेका छन् ।
२९३ संक्रमितमध्ये ३१ जना सक्रिय संक्रमित रहेका छन् । महाकाली नगरपालिकामा २८ जना र अपिहिमाल गाउँपालिकामा ३ जना सक्रिय संक्रमित रहेको जिल्ला स्वास्थ्य कार्यालय दार्चुलाले जनाएको छ ।
महाकाली र अपिहिमाल बाहेकका अरु सात स्थानीय तह तत्कालका लागि संक्रमणमुक्त रहेको स्वास्थ्य कार्यालय दार्चुलाका सूचना अधिकारी खगेन्द्र कार्कीले बताउनुभयो ।
यसैबिच बैतडीमा आज डिलाशैनी गाउँपालिकाका ६ जनासहित एकैदिन १७ जनामा संक्रमण पुष्टि भएको छ । डिलाशैनीमा संक्रमित फेलापरेपछि १० दिनका लागि लकडाउन गरिएको छ ।
दार्चुलाको शैल्यशिखर नगरपालिकाले पनि बैतडीको सीमा संग जोडिएका विद्यालयहरु १ हप्ता बन्द गर्ने निर्णय गरेको छ । नगरपालिकासंग सीमा जोडिएको बैतडीको डिलासैनी गाउँपालिकामा कोरोना संक्रमित फेला परेकोले नगरपालिकाको बैतडीको सीमा नजिक रहेका कृष्ण मावि बलाच, सत्यप्रकाश मावि देथला, गोकुलेश्वर मावि र जगन्नाथ आवि बलाच भोलि देखि १ हप्ता सम्म बन्द गर्ने निणर्य भएको निमित्त प्रमुख प्रशासकिय अधिकृत सुरेन्द्र बहादुर विष्टले जानकारी दिनुभयो ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया