दार्चुला । दार्चुला घर भई डडेल्धुरामा कार्यरत एक शिक्षकको कोरोना भाइरसको संक्रमणको कारण मृत्यु भएको छ।
डडेल्धुरा जिल्लाको अमरगढी नगरपालिका वडा नम्बर ७ स्थित उग्रतारा माध्यमिक विद्यालय पोखरामा कार्यरत ४० वर्षीय शिक्षक धर्मानन्द ओझाको मृत्यु भएको स्वास्थ्य कार्यालय डडेलधुराले जनाएको छ ।
बिहीबार उहाँको सेती प्रादेशिक अस्पताल धनगढीमा उपचारका क्रममा मृत्यु भएको बताइएको छ।
उहाँको घर दार्चुला जिल्लाको मालिकार्जुन गाउँपालिका वडा नम्बर ५ ल्वातड गाउँमा भएको स्थानीय नरेश अवस्थीले बताउनुभयो ।
शिक्षक ओझाको निधनप्रति दुख व्यक्त गर्दै अमरगढी नगरपालिकाले समवेदना व्यक्त गरेको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया