दार्चुला । जिल्ला अस्पताल दार्चुलामा एक जना कोरोना संक्रमित पुरुषको मृत्यु भएको छ ।
विहिबार (आज) राती ९ बजे उपचारको क्रममा महाकाली नगरपालिका वडा नम्बर ५ गल्फैका एक पुरुषको मृत्यु भएको जिल्ला अस्पताल दार्चुलाले जनाएको छ ।
मृतक पुरुषमा केहि दिन पहिले कोरोना संक्रमण पुष्टि भएको थियो ।
यो संगै दार्चुलामा कोरोना संक्रमणका कारण ज्यान गुमाउनेको संख्या पाँच पुगेको छ । व्यासँ गाउँपालिकाका, नौगाड गाउँपालिका, महाकाली नगरपालिका र मार्मा गाउँपालिकाका एक एक जना पुरुष र शैल्यशिखरका एक महिला संक्रमितको ज्यान गएको स्वास्थ्य कार्यालय दार्चुलाले जनाएको छ ।
दार्चुलामा विहिबार थप सात जनामा कोरोना संक्रमण पुष्टि भएको छ । जिल्ला अस्पताल दार्चुला, पुलघाट सिमानाका र महाकाली नगरपालिकामा गरिएको एन्टीजेन परिक्षणमा महाकाली नगरपालिकाका सात जनामा कोरोना संक्रमण पुष्टि भएको स्वास्थ्य कार्यालय दार्चुलाका सिआसिटी सहजकर्ता सुरज सुजन बोहराले जानकारी दिनुभयो ।
आज थपिएका सहिज दार्चुलामा दोस्रो लहर सुरु भए यता कोरोना संक्रमण पुष्टि हुनेको संख्या ३ सय १६ पुगेको उहाँले जानकारी दिनुभयो । संक्रमितमध्ये २४ जना निको भएका छन् । भने पाँच जनाको मृत्यु भएको स्वास्थ्य कार्यालय दार्चुलाले जनाएको छ ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया