दार्चुला । मार्मा गाउँपालिकाका १३ सहित दार्चुलामा सोमबार (आज) थप १६ जनामा कोरोना सक्रमण पुष्टि भएको छ ।
११ जनाको पिसिआर र ५ जनामा एन्टीजेन विधिबाट गरिएको परिक्षणमा कोरोना संक्रमण पुष्टि भएको हो । जिल्ला अस्पताल बैतडीको प्रयोगशालामा गरिएको पिसिआर परिक्षण ११ जना र ५ जनाको एन्टीजेन परिक्षण गर्दा कोरोना संक्रमण पुष्टि भएको स्वास्थ्य कार्यालय दार्चुलाका सिआइसिटी सहजकर्ता सुरज सुजन बोहराले जानकारी दिनुभयो ।
आज थपिएकामा मार्मा गाउँपालिकाका १३ र महाकाली नगरपालिकाका ३ जना रहेका छन । आज थपिएका सहित दार्चुलामा कोरोनाको दोस्रो लहर सुरु भए यता संक्रमण पुष्टि हुनेको संख्या ३ सय ४९ पुगेको छ ।
हाल सम्म जिल्लाको महाकाली नगरपालिकामा सबै भन्दा बढी १ सय ९ जनामा कोरोना संक्रमण पुष्टि भएको छ ।
अपिहिमाल गाउँपालिकाका १ सय ६ जनामा, मार्मा गाउँपालिकामा ४० जनामा, शैल्यशिखर नगरपालिकामा ४५ जनामा, व्याँस गाउँपालिकामा ६ जनामा, मालिकार्जुन गाउँपालिकामा १३ जनामा, लेकम गाउँपालिकामा १७ जनामा, नौगाड गाउँपालिकामा ३ जनामा, र दुँहु गाउँपालिकामा १० जनामा कोरोना संक्रमण पुष्टि भएको स्वास्थ्य कार्यालय दार्चुलाले जनाएको छ ।
दार्चुलामा आज थप ७ जना कोरोना संक्रमण मुक्त भएका छन । यो संगै हालसम्म कोरोना संक्रमण मुक्त हुनेको संख्या ५० पुगेको छ । त्यस्तै आज थप १ जना कोरोना संक्रमित पुरुषको जिल्ला अस्पताल दार्चुलामा उपचारको क्रममा ज्यान गएको छ।
आइतबार मात्रै कोरोना संक्रमण पुष्टि भएका दुँहु गाउँपालिका वडा नम्बर ३ घर भएका ७२ वर्षीय पुरुषको आज विहान ज्यान गएको हो । यो संगै दार्चुलामा कोरोना संक्रमणको कारण ज्यान गुमाउनेको संख्या ७ पुगेको छ ।
आज मृत्यु भएका पुरुषको नेपाली सेनाले महाकाली नदी किनारमा शव व्यवस्थापन गरेको जिल्ला स्वास्थ्य कार्यालय दार्चुलाले जनाएको छ।
यो खबर पढेर तपाईलाई कस्तो महसुस भयो ?
भर्खरै प्रकाशित
प्रतिक्रिया